பாலக்கோடு: வார சந்தையில் 15 லட்சத்திற்கு தேங்காய் விற்பனை

காரிமங்கலம் வாரச்சந்தை திங்கட்கிழமை நாட்களில் தேங்காய் சந்தை நடக்கிறது. நேற்று நடந்த சந்தையில் மாவட்டத்தின் பல்வேறு பகுதிகளில் இருந்தும் வெளி மாவட்டங்களில் இருந்தும் விவசாயிகள் தங்களது தேங்காய்களை விற்பனைக்கு கொண்டு வந்தனர். நேற்று நடந்த சந்தையில் 1 லட்சத்து 25 ஆயிரம் தேங்காய்கள் விற்பனைக்கு கொண்டுவரப்பட்ட நிலையில், தேங்காய் அளவை பொறுத்து 8 முதல் 19 வரையில் பல்வேறு ரகங்களில் தேங்காய் விற்பனை நடந்தது. கடந்த வாரத்தை காட்டிலும், தேங்காய் வரத்து குறைந்து காணப்பட்ட நிலையில், தேங்காய் விலை லேசாக உயர்ந்து விற்பனையானது. சபரிமலை சீசன் தொடங்கி யுள்ளதால், தேங்காய் விலை வரும் வாரங்களில் மேலும் அதிகரிக்க கூடும் என வியாபாரிகள் தெரிவித்தனர்.