உத்தரபிரதேசத்தில் 107ஐ தொட்ட உயிரிழப்பு

உத்தரபிரதேசத்தின் ஹத்ராஸில் 'சத்சங்' எனப்படும் மத நிகழ்ச்சியின் முடிவில் ஏற்பட்ட நெரிசலில் குறைந்தது 107 பேர் உயிரிழந்துள்ளதாக தகவல் வெளியாகியுள்ளது. இந்த எண்ணிக்கை மேலும் அதிகரிக்க வாய்ப்புகள் உள்ளதாக அதிகாரிகள் கூறுகின்றனர். மேலும் பலர் காயமடைந்துள்ளனர். சிக்கந்தராவ் மண்டி அருகே உள்ள புல்ராய் கிராமத்தில் இந்த சம்பவம் நடந்துள்ளது. ஆக்ராவில் உள்ள ஏடிஜி ஆக்ரா மண்டல அலுவலகத்தில் உள்ள பிஆர்ஓ, முதலில் 27 ஆக இருந்த இறப்பு எண்ணிக்கை 107 ஆக உயர்ந்தது என்பதை உறுதிப்படுத்தினார். ஹத்ராஸ் 'சத்சங்கில்' கூட்ட நெரிசலுக்கு முதன்மைக் காரணம், "மூச்சுத்திணறல்" என்று கூறப்படுகிறது.