கடலூர்: கழிவுநீர் வடிகால் வாய்க்கால் சுத்தம் செய்யும் பணி

கடலூர் மாவட்டம் திட்டக்குடி வட்டம் மங்களூர் ஊராட்சி ஒன்றியம் தொழுதுர் ஊராட்சியில் கழிவுநீர் வடிகால் வாய்க்கால் சுத்தம் செய்யும் பணி நடைபெற்றது. இப்பணியை வட்டார வளர்ச்சி அலுவலர் ஆ. தண்டபாணி துவக்கி வைத்தார். தூய்மை பணியில் நாவலர் நெடுஞ்செழியன் நாட்டு நலப்பணி திட்ட மாணவர்கள், தூய்மை காவலர்கள், மகளிர் குழு உறுப்பினர்கள் கலந்து கொண்டு தூய்மை பணியை மேற்கொண்டனர். இதில் ஊராட்சி மன்ற தலைவர், உப தலைவர், ஊராட்சி செயலர், ஊக்குவிப்பாளர் மற்றும் வட்டார ஒருங்கிணைப்பாளர் கலந்து கொண்டனர். நாட்டு நலப்பணி திட்ட அலுவலர் ராஜா மற்றும் கலைவாணன் ஆகியோரும் கலந்து கொண்டனர்.