குள்ளஞ்சாவடி: தடுப்பு கட்டையில் மோதிய தனியார் பேருந்து

புதுச்சேரியில் இருந்து கோயம்பத்தூர் நோக்கி சென்று கொண்டிருந்த தனியார் பேருந்து கடலூர் மாவட்டம் குறிஞ்சிப்பாடி வட்டம் குள்ளஞ்சாவடி அருகே கோதண்டராமபுரம் கிராமத்தை நெருங்கிய போது சாலையின் நடுவே புதிதாக வைக்கப்பட்டிருந்த தடுப்பு கட்டையில் மோதி விபத்துக்குள்ளானது. இந்த விபத்தில் பேருந்தின் பின்னால் வந்த கார் எதிர்பாராத விதமாக பேருந்து மீது மோதியதில் காரின் முன் பகுதி பேருந்தில் சிக்கியது. இதில் அதிர்ஷ்டவசமாக பயணிகள் உயிர் தப்பினர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.