சென்னை: இறங்கு முகத்தில் தங்கம் விலை

கடந்த மாதக் கடைசியில், அதாவது செப்டம்பர் மாதம் 24-ம் தேதி, கிராமுக்கு ரூ. 7, 000 ஆகவும், பவுனுக்கு ரூ. 56, 000 ஆகவும் விற்பனை ஆனது. தங்கம் விலை ரூ. 56, 000-த்தை தொடுவது அதுவே முதல் முறையாகும். அன்றிலிருந்து தங்கம் விலை ராக்கெட் வேகத்தில் ஏறிக்கொண்டே வந்தது. கடந்த வெள்ளிக்கிழமை, தங்கம் விலை கிட்டதட்ட ரூ. 57, 000-த்தை நெருங்கிவிட்டது. ஒரு கிராம் தங்கம் ரூ. 7, 120-க்கும், ஒரு பவுன் தங்கம் ரூ. 56, 960-க்கும் விற்பனை ஆனது.

இந்த நிலையில், தங்கம் விலை குறைந்துள்ளது. நேற்று ஒரு கிராம் தங்கம் ரூ. 7, 100-க்கும், ஒரு பவுன் தங்கம் ரூ. 56, 800-க்கும் விற்பனை ஆனது. இன்று தங்கம் விலை கிராமுக்கு ரூ. 70 குறைந்து ரூ. 7, 030-க்கும், பவுனுக்கு ரூ. 560 குறைந்து ரூ. 56, 240-க்கும் விற்பனை ஆனது.