திமுக பவள விழா: வண்ண விளக்குகளால் ஜொலிக்கும் அறிவாலயம்

திமுக பவள விழாவையொட்டி, சென்னை அண்ணா அறிவாலயமும், அன்பகமும் "75" என்ற எண் கொண்ட பவளவிழா இலச்சினையுடன், லேசர் ஒளிக்கற்றைகள் மற்றும் வண்ண விளக்குகளால் அலங்கரிக்கப்பட்டு ஜொலிக்கிறது.

செப். 15-ம் தேதி முன்னாள் முதல்வர் அண்ணா பிறந்த தினம், செப். 17-ம் தேதி தந்தை பெரியார் பிறந்த நாள், அதே செப். 17-ம் தேதி திமுக தொடங்கப்பட்ட நாளாகும். ஆகியவற்றை இணைத்து ஆண்டுதோறும் முப்பெரும் விழா திமுக சார்பில் கொண்டாடப்பட்டு வருகிறது.

இதையொட்டி, அண்ணா அறிவாலயம் முழுவதும் வண்ண விளக்குகளால் மிளிர்கிறது. அறிவாலயத்தின் நுழைவாயிலில் ஆர்ச் வடிவ வண்ண விளக்குகள் காண்போரை கவரும் வகையில் அமைக்கப்பட்டுள்ளது.

அறிவாலயத்திற்கு உள்ளே உள்ள அண்ணா மற்றும் கலைஞரின் திருவுருவச் சிலைகள் வண்ண விளக்குகளால் அலங்கரிக்கப்பட்டுள்ளன.

மேலும், திமுக இளைஞரணி தலைமையகமான அன்பகமும் மின் விளக்குகளால் அலங்கரிக்கப்பட்டு வண்ண விளக்குகளால் ஜொலிக்கிறது.