தமிழகத்தில் பறவைக் காய்ச்சல்?.. தீவிர சோதனையில் அதிகாரிகள்

கேரளாவில் பறவைக் காய்ச்சல் உறுதி செய்யப்பட்ட நிலையில் அதனைக் கட்டுப்படுத்தும் முயற்ச்சியில் அம்மாநில அரசு தீவிர தடுப்புப் பணியில் ஈடுபட்டு வருகிறது. இந்நிலையில், தமிழக - கேரள எல்லையில் கண்காணிப்பை தீவிரப்படுத்த கால்நடைத் துறையினருக்கு தமிழ்நாடு அரசு உத்தரவிட்டுள்ளது. அதன்படி, கேரளாவில் இருந்து தமிழ்நாட்டிற்கு கோழி, வாத்து, முட்டை உள்ளிட்டவற்றை ஏற்றி வரும் வாகனங்களை சோதனை செய்து தீவிர கண்காணிப்பில் ஈடுபட்டு வருகின்றனர்.