வீட்டில் கஞ்சா செடி வளர்த்த வெளிநாட்டவர் கைது

பிரிட்டனைச் சேர்ந்த ஜேசன், வடக்கு கோவாவில் உள்ள சொகாரோவில் வசித்து வருகிறார். இவர் தனது பங்களாவில் கஞ்சா பயிரிடுவதாக போதைப்பொருள் தடுப்புப் பிரிவுக்கு தகவல் கிடைத்தது. உடனடியாக அதிகாரிகள் அவரது வீட்டில் சோதனை நடத்தினர். அப்போது ஜேசன் தனது வீட்டில் உள்ள மற்ற செடிகளுடன் பூந்தொட்டிகளில் கஞ்சா பயிரிடுவது கண்டுபிடிக்கப்பட்டது. 33 கஞ்சா மரங்கள், 10 கிராம் கஞ்சா மற்றும் ரூ.40,000 ரொக்கம் பறிமுதல் செய்யப்பட்டு, ஜேசன் கைது செய்யப்பட்டார். இதுகுறித்து வழக்குப் பதிவு செய்து விசாரணை தொடங்கப்பட்டுள்ளது.