252 நாட்டு வெடிகுண்டுகள் பறிமுதல்

கேரளாவின் கண்ணூரில் நாட்டு வெடிகுண்டுகள் பெரும் அழிவை ஏற்படுத்தி வருகின்றன. கண்ணூர் மாவட்டத்தில் கடந்த 5 ஆண்டுகளில் 252 நாட்டு வெடிகுண்டுகள் கண்டுபிடிக்கப்பட்டுள்ளன. கடந்த ஆறு மாதங்களில் 15 பேர் சிக்கியுள்ளனர். கடந்த 3 ஆண்டுகளில் மாவட்டத்தில் எட்டு இடங்களில் குண்டு வெடிப்புகள் நடந்துள்ளன. 1998க்குப் பிறகு, சமீபத்திய பானூர் வெடிகுண்டு விபத்து உட்பட, நாட்டு வெடிகுண்டுகளை தயாரிக்கும் பணியில் ஈடுபட்ட 10 பேர் உயிரிழந்துள்ளனர். அவர்களில் ஆறு பேர் சிபிஎம் அமைப்பினர், நான்கு பேர் ஆர்எஸ்எஸ் அமைப்பைச் சேர்ந்தவர்கள். இந்த குண்டுகள் பொதுவாக ரகசிய இடங்களில் மறைத்து வைக்கப்பட்டுள்ளன.

அரசியல் கொலைகள், தாக்குதலுக்காக இவற்றை அதிகளவில் கண்ணூரைச் சேர்ந்த ஆளுங்கட்சி, எதிர்க்கட்சியினர் பயன்படுத்தி வருவது குறிப்பிடத்தக்கது.