భోగాపురం మండలంలో గ్రామ సందర్శన కార్యక్రమం

భోగాపురం మండలం కొండరాజుపాలెంలో మండల ప్రత్యేక అధికారిణి సుధారాణి గురువారం గ్రామ సందర్శన కార్యక్రమం చేపట్టారు. గ్రామంలో ప్రజల సమస్యలను అడిగి తెలుసుకున్నారు. సమస్యల పరిష్కారానికి అధికారులు ప్రత్యేక దృష్టి సారించాలని కోరారు. అనంతరం ప్రభుత్వ పాఠశాలను సందర్శించారు. విద్యార్థులకు అందజేస్తున్న మధ్యాహ్న భోజనంలో మెనూ సక్రమంగా అమలు చేయాలని తెలిపారు. ఎంపీడీవో కిషోర్, తాసిల్దార్ సురేష్ తదితరులు పాల్గొన్నారు.