గజపతినగరం: పోలీస్ స్టేషన్ ను సందర్శించిన ఎస్పీ

గజపతినగరం పోలీస్ స్టేషన్ ను ఎస్పీ వకుల్ జిందాల్ మంగళవారం సందర్శించారు. ముందుగా స్టేషన్ లో రికార్డులను పరిశీలించారు. అనంతరం స్టేషన్ ఆవరణలో స్టేషన్ సిబ్బంది, మహిళా పోలీసులతో సమావేశం నిర్వహించారు. గంజాయి అక్రమ రవాణా, రౌడీ షీటర్ల కదలికలు, రోడ్డు ప్రమాదాలు తదితర అంశాలపై పలు సూచనలు, సలహాలు చేశారు. బొబ్బిలి డిఎస్పి శ్రీనివాసరావు, సీఐ జి ఏ వి రమణ, ఎస్సై లక్ష్మణరావు తదితరులు పాల్గొన్నారు.