పుంగనూరు: లక్ష్మీ నరసింహ స్వామికి విశేష అభిషేక పూజలు

పుంగనూరు నియోజకవర్గం పులిచెర్ల మండలం దేవలంపేట శ్రీ లక్ష్మీనరసింహస్వామి ఆలయంలో దసరా సందర్భంగా స్వామివారికి విశేష అభిషేక పూజలు నిర్వహించారు. ఆలయంలో ఉదయం స్వామివారికి అభిషేకం నిర్వహించి ప్రత్యేకంగా అలంకరించారు. ఆలయ ప్రధాన అర్చకులు అనంత కుమారాచార్యులు స్వామివారికి పూజలు నిర్వహించి నైవేద్యం సమర్పించి మహా మంగళహారతి గావించారు. భక్తులకు తీర్థ ప్రసాదాలు అందించారు. పెద్ద ఎత్తున భక్తులు స్వామివారిని దర్శించుకున్నారు.