మార్కాపురంలో: ఆటో డ్రైవర్లకు అవగాహన కార్యక్రమం

ఆటో డ్రైవర్లు సామాజిక స్పృహ కలిగి ఉండాలని మార్కాపురం సీఐ సుబ్బారావు అన్నారు. శనివారం స్థానిక ఓ కళ్యాణ మండపంలో ఆటో డ్రైవర్లకు అవగాహన కార్యక్రమం నిర్వహించారు. ముఖ్యంగా ఆటోల వలన ప్రజలకు, ట్రాఫిక్ ఇబ్బందులు తలెత్తకూడదని సీఐ తెలిపారు. నిబంధనల మేరకు నడుచుకోవాలని కోరారు. అనుమతికి మించి ప్రయాణికులను ఎక్కించరాదన్నారు. రాత్రి వేళల్లో జరిగే నేరాలపట్ల సమాచారం ఇవ్వాలని కోరారు. ఈ కార్యక్రమంలో ఎస్సై సైదుబాబు ఉన్నారు.