కురుపాం: జాతీయ స్థాయి క్రీడలకు గిరిజన విద్యార్థి ఎంపిక

గుమ్మలక్ష్మీపురం మండలంలోని కొత్తగూడ గిరిజన సంక్షేమ ఆశ్రమ పాఠశాల విద్యార్థి ఆరిక అభిచంద్‌ (9వ తరగతి) అండర్‌-14 విభాగంలో ఫెన్సింగ్‌ జాతీయ స్థాయి పోటీలకు ఎంపికయ్యాడు. ఈ నెల 12 నుంచి 16 వరకు జమ్మూ కాశ్మీర్‌లో జరిగే జాతీయ స్థాయి క్రీడల్లో పాల్గొంటాడని పీడీ మాధవరావు తెలిపారు. అభిచంద్‌ జాతీయ స్థాయికి ఎంపిక కావడం పట్ల బుధవారం పాఠశాల హెచ్‌ఎం నాగరాజు, ఉపాధ్యాయులు అభినందించారు.