மெட்ரோ ரயில் பணிகள்: சென்னையில் இன்று போக்குவரத்து மாற்றம்

சென்னை பனகல் பார்க் பகுதியில் மெட்ரோ ரயில் 2ம் கட்ட பணிகள் நடைபெற்று வருகின்றன. இதன் காரணமாக அந்த பகுதியில் இன்று முதல் வருகிற டிசம்பர் 1ம் தேதி வரை போக்குவரத்து மாற்றம் செய்யப்படுவதாக சென்னை போக்குவரத்து போலீசார் தெரிவித்துள்ளனர். அதன்படி, தியாகராய சாலையில் இருந்து சிவஞானம் தெரு வழியாக வெங்கடநாராயண சாலைக்கு செல்ல தடை செய்யப்பட்டுள்ளன. மாறாக, தியாகராய சாலை மற்றும் தணிகாசலம் சாலை வழியாகச் சென்று வெங்கடநாராயண சாலையை அடையலாம் என தெரிவிக்கப்பட்டுள்ளது.