ఈనెల 24 నుంచి జిల్లా వ్యాప్తంగా పొలం పిలుస్తోంది

కర్నూలు జిల్లాలో వాయిదా పడుతూ వస్తున్న పొలం పిలుస్తోంది కార్యక్రమాన్ని ఎట్టకేలకు ఈనెల 24 నుంచి డిసెంబర్ 31 వరకు నిర్వహించనున్నారు. వారంలో మంగళ, బుధవారాల్లో ఈ కార్యక్రమాన్ని నిర్వహిస్తారని జిల్లా వ్యవసాయ అధికారి పీఎల్ వరలక్ష్మి శుక్రవారం ఒక ప్రకటనలో తెలిపారు. ప్రతిరోజు రెండు గ్రామాలు చొప్పున, ఉదయం 8. 30 నుంచి 4 వరకు ఒక గ్రామం, మధ్యాహ్నం 2 నుంచి 4 పాటు మరో గ్రామంలో కార్యక్రమం నిర్వహిస్తారన్నారు.