మంత్రాలయం: ఈనెల 15న పవిత్ర తుంగా హారతి

మంత్రాలయం శ్రీరాఘవేంద్రస్వామి మఠంలో ఈనెల 15న పవిత్ర తుంగా హారతి నిర్వహించనున్నట్లు పీఠాధిపతి సుభుదేంద్రతీర్థులు ఆదివారం ఒక ప్రకటనలో తెలిపారు. సాయంత్రం 6 నుంచి 11 గంటల వరకు పుణ్య హారతి, కార్తీక దీపోత్సవం చేపట్టనున్నారు. ఉత్సవమూర్తి ప్రహ్లాదరాయలను మంగళవాయిద్యాలు, భజనలు, వేద పఠనంతో ఊరేగింపుగా నది చెంతకు చేర్చి అక్కడ పీఠాధిపతి తుంగా హారతి విశిష్టత భక్తులకు ప్రవచిస్తారు.