జగ్గయ్యపేట: జనసేనలో చేరిన నలుగురు మున్సిపల్‌ కౌన్సిలర్లు

జనసేనలో చేరికలు తమపై విశ్వాసాన్ని మరింత పెంచాయని డిప్యూటీ సీఎం పవన్‌ కల్యాణ్‌ అన్నారు. ముద్రగడ క్రాంతి, గుంటూరుకు చెందిన ఇద్దరు కార్పొరేటర్లు, నలుగురు జగ్గయ్యపేట మున్సిపల్‌ కౌన్సిలర్లు పవన్‌ సమక్షంలో జనసేనలో చేరారు. ఈ సందర్భంగా శనివారం పవన్‌ మాట్లాడుతూ సామినేని ఉదయభానుపై నమ్మకం ఉంచి ఎన్టీఆర్‌ జిల్లా బాధ్యతలు అప్పగించినట్టు తెలిపారు. తమపై నమ్మకంతో మా పార్టీలో చేరుతున్న వారికి కృతజ్ఞతలు అని తెలియజేశారు. ఇపుడు తమ బాధ్యత మరింత పెరిగిందని పేర్కొన్నారు.