నాయుడుపేట: రోడ్డు ప్రమాదంలో ఆరుగురికి తీవ్ర గాయాలు

తిరుపతి జిల్లా నాయుడుపేట మండలం నరసారెడ్డి కండ్రిగ గ్రామ సమీపంలో ఆదివారం జరిగిన రోడ్డు ప్రమాదంలో ఆరుగురికి తీవ్ర గాయాలు అయ్యాయి. సూళ్లూరుపేటలో జరిగిన వివాహానికి హాజరై తిరిగి అన్నమేడు గ్రామానికి ఆటోలో వెళ్తుండగా కారు ఢీకొంది. ఆటోలో ఉన్న అన్నమేడు గ్రామానికి చెందిన ఆరుగురు గాయపడగా స్థానిక ప్రభుత్వ ఆసుపత్రికి తరలించి చికిత్స అందిస్తున్నారు. పోలీసులు కేసు నమోదు చేసి దర్యాప్తు చేస్తున్నారు.