బ్రాహ్మణపల్లిలో బాలత్రిపుర సుందరి దేవిగా మాలే గంగమ్మ

పులివెందుల మున్సిపాలిటీ పరిధిలోని బ్రాహ్మణపల్లి గ్రామంలో ఉన్న శ్రీ మాలే గంగమ్మ ఆలయంలో గురువారం నుంచి దసరా ఉత్సవాలు ప్రారంభమయ్యాయి. గురువారం ఉదయం మాలే గంగమ్మ అమ్మవారు శ్రీ బాల త్రిపుర సుందరి దేవి అలంకారంలో భక్తులకు దర్శనమిచ్చారు. ఈ సందర్భంగా భక్తులు అమ్మవారిని దర్శించుకుని ప్రత్యేక పూజలు చేసి కాయ కర్పూరాలు సమర్పించారు. అనంతరం అర్చకులు భక్తులకు తీర్థప్రసాదాలు అందించారు.