చింతపర్తిలో.. వైభవంగా దసరా సంబరాలు

వాయల్పాడు మండలం చింతపర్తి వాసవి కన్యకా పరమేశ్వరి దేవి ఆలయంలో ఆర్యవైశ్యుల ఆధ్వర్యంలో దసరా సంబరాలు వైభవంగా నిర్వహిస్తున్నారు. రోజూ అమ్మవారికి విశేష అలంకరణ చేస్తున్నారు. ఇందులో భాగంగా శనివారం అమ్మవారు శ్రీరాజేశ్వరి దేవి అలంకారంలో భక్తులకు దర్శనమిచ్చారు. విజయదశమి సందర్భంగా ఆలయంలో మహిళలు ప్రత్యేక పూజలు చేశారు. భక్తులకు తీర్థప్రసాదాలు పంచారు.