భక్తిశ్రద్ధలతో శ్రీవారి పల్లకి ఉత్సవ వేడుకలు

పెన్నహోబిలంలో శ్రీ లక్ష్మీనరసింహస్వామి ఆలయంలో శ్రీవారి పల్లకి ఉత్సవం కార్యక్రమం శనివారం ఘనంగా నిర్వహించారు. శ్రీదేవి, భూదేవి సమేత నరసింహస్వామి ఉత్సవమూర్తులను ప్రత్యేకంగా అలంకరించి శోభయమానంగా తీర్చిదిద్దిన పల్లకిలో కొలవ దీర్చి ఆలయం చుట్టూ ప్రదక్షణ చేశారు. పెద్ద సంఖ్యలో భక్తులు హాజరై స్వామివారిని దర్శించుకున్నారు. ఈ కార్యక్రమంలో ఆలయ ఈవో రమేష్ బాబు, అర్చకులు, ఆలయ సిబ్బంది పాల్గొన్నారు.