కదిరి: కోతకు గురైన రహదారికి మరమ్మత్తు చేయండి... గ్రామస్తులు

శ్రీసత్యసాయి జిల్లా కదిరి నియోజకవర్గం నంబులపూలకుంట మండలం వెలిచలమల పంచాయతీలోని ఎగువ పల్లి రోడ్డు వర్షాల వల్ల కోతకు గురైంది. దీంతో గ్రామస్తులు రహదారి పై రాకపోకలకు ఇబ్బందులు పడుతున్నారు. అధికారులు పట్టించుకోకపోవడంతో గ్రామానికి చెందిన నారాయణ, వెంకటరమణ ముందుకు వచ్చి కోతకు గురై ఇబ్బందులు పడుతున్నామని రహదారికి గ్రామస్తులతో కలసి జేసీతో మట్టిని వేయించారు. ఇప్పటికైనా అధికారులు స్పందించి రోడ్డును బాగు చేయాలని కోరుతున్నారు.