ట్రైనీ వైద్యురాలు హత్యపై కొవ్వొత్తుల ర్యాలీ

కలకత్తాలో ట్రైనీ వైద్యురాలు హత్య ఘటనకు కారకులైన వారిని శిక్షించాలని ఆదివారం రాత్రి కుడికొండ చెక్ పోస్టులో కొవ్వొత్తుల ర్యాలీ నిర్వహించారు. ఈ సందర్భంగా వక్తలు మాట్లాడుతూ మహిళ భద్రతపై ప్రత్యేక చట్టాలు తీసుకురావాలని, ట్రైనీ వైద్యురాలిని కిరాతకంగా హింసించి చంపిన వారిని వెంటనే అరెస్టు చేసి కఠిన శిక్ష విధించాలని డిమాండ్ చేశారు. అనంతరం పురవీధుల గుండా కొవ్వొత్తులతో ర్యాలీ నిర్వహించారు.