ఎలమంచిలి: సిఫార్సుల మేరకే ఎరువులను వినియోగించాలి

ఎలమంచిలి మండలంలో సాగులో ఉన్న వరి పొలాలకు సిఫార్సుల మేరకే ఎరువులను వినియోగించాలని మండల వ్యవసాయ అధికారి మోహన్ రావు రైతులకు సూచించారు. మంగళవారం ఎలమంచిలి మండలం ఎర్రవరం, లైన్ కొత్తూరు గ్రామాల్లో నిర్వహించిన పొలం పిలుస్తుంది కార్యక్రమంలో ఆయన పాల్గొని వరి సాగు చేస్తున్న రైతులకు పలు సూచనలు సలహాలు ఇచ్చారు. పంటకు తెగుళ్లు సోకితే తగిన సస్యరక్షణ చర్యలు చేపట్టాలని సూచించారు.