వరంగల్లో భద్రకాళీ భద్రేశ్వరుల కల్యాణోత్సవం

వరంగల్ శ్రీ భద్రకాళీ దేవాలయంలో శరన్నవరాత్రోత్సవాల ముగింపులో భాగంగా భద్రకాళీ భద్రేశ్వరుల కల్యాణోత్సవం ఆదివారం వైభవంగా నిర్వహించారు. ఉదయం అర్చకులు నిత్నాహికం, కుంభాభిషేకం, చతుస్థానార్చనాదుల అనంతరం రాత్రి 8 గంటలకు పూలతో అలంకరించిన వేదికపై ఉత్సవమూర్తులను ప్రతిష్ఠించారు. శ్రీభద్రేశ్వరస్వామికి ద్వితీయ స్వర్ణ యజ్ఞోపవీతాన్ని సమర్పించారు. వరపూజ, మధుపర్కవిధి తదితర వివాహతంతు పూర్తి చేశారు.