నర్సంపేట: మినీ స్టేడియంలో ఫ్లడ్ లైట్లు ఏర్పాటు

వరంగల్ జిల్లా నర్సంపేటలోని మినీ స్టేడియంలో నూతనంగా ఏర్పాటు చేసిన ఫ్లడ్ లైట్లను శుక్రవారం రాత్రి వరంగల్ జిల్లా కబడ్డీ అసోసియేషన్ అధ్యక్షుడు డా. పుల్లూరి శ్రీనివాస్ గౌడ్ ప్రారంభించారు. గత కొన్ని రోజులుగా స్టేడియంలో ఫ్లడ్ లైట్లు వెలగక పోవడంతో క్రీడాకారులు ఇబ్బందులు పడ్డారు. ఎమ్మెల్యే దొంతి మాధవరెడ్డి సహకారంతో లైట్లను పునరుద్ధరించారు. క్రీడాకారులు సద్వినియోగం చేసుకోవాలన్నారు. పట్టణ కాంగ్రెస్ అధ్యక్షుడు రాజేందర్, తదితరులు పాల్గొన్నారు.