భక్తి శ్రద్ధలతో సంకష్ట చతుర్థి పూజలు

సంకష్ట చతుర్థి సందర్భంగా సంగారెడ్డి జిల్లా న్యాల్‌కల్ మండలం రేజింతల్ సిద్ది వినాయక ఆలయంలో ఆదివారం భక్తులు అత్యంత భక్తి శ్రద్ధలతో పూజలు నిర్వహించారు. ఈ సందర్భంగా స్వామివారి మూలమూర్తికి అభిషేకాలు, అలంకరణ గావించి ఉత్సవ పూజలను వేదోక్తంగా జరిపారు. ఆది పూజితుడిని దర్శించుకునేందుకు స్థానిక భక్తులే కాకుండా కర్నాటక, మహారాష్ట్రల నుండి వేలాది మంది భక్తులు తరలివచ్చి ఏక దంతుడిని దర్శించుకున్నారు.