సంగారెడ్డి: ఈశ్వరపురంలో భక్తి శ్రద్ధలతో దుర్గా శరన్నవరాత్రులు

దుర్గా శరన్నవరాత్రి ఉత్సవాల్లో భాగంగా సంగారెడ్డి మండలం ఈశ్వరపురం గ్రామంలోని సప్తప్రాకారయుత శ్రీ దుర్గా భవానీ అమ్మవారు ఆదివారం శ్రీ అన్నపూర్ణా దేవిగా భక్తులకు దర్శనమిచ్చింది. ఆలయ ధర్మాధికారి రాధాకృష్ణ మూర్తి ఆద్వర్యంలో అమ్మవారికి అభిషేకం, అలంకరణ గావించి ఉత్సవ పూజలను వేదోక్తంగా జరిపారు. అమ్మవారిని దర్శించుకునేందుకు వేలాదిగా తరలివచ్చిన భక్తులకు వేదాశీస్సులు చేసిన అర్చక స్వాములు తీర్థ ప్రసాదాలను అందజేశారు.