తలకొండపల్లి: ఎమ్మెల్యే ఇచ్చిన హామీని అమలు చేయాలి

తలకొండపల్లి మండలం గట్టు ఇప్పలపల్లి గ్రామాన్ని మండల కేంద్రంగా ఏర్పాటు చేస్తానని ఎన్నికల ముందు కల్వకుర్తి ఎమ్మెల్యే కసిరెడ్డి నారాయణరెడ్డి ఇచ్చిన హామీని అమలు చేయాలని జేఏసీ నాయకులు డిమాండ్ చేశారు. మండల కేంద్రం ఏర్పాటు కోసం చేస్తున్న దీక్షలు శనివారం కొనసాగాయి. ప్రభుత్వాలు, నేతలు మారిన తమ తలరాతలు మారడం లేదని వారు ఆవేదన వ్యక్తం చేశారు. ప్రభుత్వం వెంటనే తమ గ్రామాన్ని మండల కేంద్రంగా ప్రకటించాలని కోరారు.