బుగ్గారం మున్నూరు కాపు ఐక్య సంఘం అధ్యక్షులుగా జాబు పోచన్న
జగిత్యాల జిల్లా బుగ్గారం గ్రామంలోని మున్నూరు కాపు ఐక్య సంఘం అధ్యక్షులుగా సోమవారం జాబు పోచన్న ఎన్నికయ్యారు. అధ్యక్ష పదవికి ముగ్గురు అభ్యర్థులు పోటీ పడగా స్థానిక శ్రీ ముత్యాల పోచమ్మ - నల్ల పోచమ్మ ఫంక్షన్ హాల్ లో సోమవారం ఎన్నికలు నిర్వహించారు. గ్రామంలోని ఆరు వేర్వేరు సంఘాలకు చెందిన మున్నూరు కాపు సంఘాల ప్రతి నిధులు ఓట్లు వేశారు. ఈ ఎన్నికల్లో జాబు పోచన్న కు అత్యధిక ఓట్లు పోలవడంతో ఆయన విజయం సాధించారు.
