బాసర: శ్రీ మహా సరస్వతీ అవతారంలో అమ్మవారు

నిర్మల్ జిల్లా ప్రసిద్ధ పుణ్యక్షేత్రమైన బాసర శ్రీ జ్ఞాన సరస్వతి క్షేత్రంలో దేవి శరన్నవరాత్రులు, విజయదశమి వేడుకలు ఘనంగా జరుగుతున్నాయి. శనివారం అమ్మవారు శ్రీ మహా సరస్వతీ అవతారంలో భక్తులకు దర్శనమిస్తున్నారు. వైదిక బృందం అమ్మవారికి ప్రత్యేక పూజలు నిర్వహించి నైవేద్యం సమర్పించారు. క్యూలైన్లో భక్తులకు, మహిళలకు, చిన్నారులకు ఎలాంటి ఇబ్బందులు కలగకుండా ప్రత్యేక ఏర్పాట్లు చేసినట్లు ఆలయ ఈఓ విజయ రామారావు తెలిపారు.