చెన్నూరు మండలంలోని శివలింగాపూర్ లో సింగరేణి సంస్థ చేపట్టిన సోలార్ విద్యుత్ కేంద్రం పనులు తుది దశకు చేరాయి. సింగరేణి సంస్థకు చెందిన 55 ఎకరాల స్థలంలో సుమారు రూ. 64. 5 కోట్లతో 11 మెగావాట్ల సోలార్ విద్యుత్తు కేంద్రం పనులను గత ఏడాది ప్రారంభించారు. ఇప్పటికే 8. 5 మెగావాట్లకు సంబంధించి సోలార్ పలకల ఏర్పాటు పూర్తవగా మిగతావి అమర్చుతున్నారు. ట్రాన్స్ఫార్మర్ యార్డు, స్విచ్ యార్డు నిర్మాణ పనులను పూర్తి చేశారు.