బొగ్గు గనుల వేలాన్ని రద్దు చేయాలని ధర్నా

బొగ్గు గనుల వేలాన్ని రద్దు చేయాలని డిమాండ్ చేస్తూ బుధవారం సీఐటీయూ ఆధ్వర్యంలో శ్రీరాంపూర్ ఏరియా జీఎం కార్యాలయం ఎదుట ధర్నా నిర్వహించారు. అనంతరం ఎస్ఓటు జిఎం రాజేశ్వర్ రెడ్డికి వినతిపత్రం అందజేశారు. ఈ సందర్భంగా సీఐటీయూ నాయకులు మాట్లాడుతూ కేంద్ర ప్రభుత్వం తెలంగాణలోని బొగ్గు బ్లాకులను వేలం లేకుండా సింగరేణి సంస్థకు కేటాయించాలని డిమాండ్ చేశారు. కొత్త గనులు కేటాయించి ఉద్యోగ అవకాశాలు కల్పించాలన్నారు.