50 క్వింటాల రేషన్ బియ్యం పట్టివేత

జోగులాంబ గద్వాల జిల్లా ఎర్రవల్లి మండలం జింకలపల్లి గ్రామ సమీపంలో జాతీయ రహదారిపై ఉన్న రైస్ మిల్లుపై పౌర సరఫరా శాఖ అధికారులు, పోలీసులు సంయుక్తంగా దాడులు చేసి 50 క్వింటాల రేషన్ బియ్యాన్ని పట్టుకున్నారు. రైస్ మిల్లులో రేషన్ బియ్యాన్ని అక్రమంగా నిల్వ ఉంచారనే సమాచారం రావడంతో మంగళవారం రాత్రి అధికారులు దాడులు చేశారు. దీనిపై కేసు నమోదు చేశామని ఇటిక్యాల ఎస్ఐ వెంకటేష్ తెలిపారు.