కొత్తకోటలో కన్నుల పండుగగా వాసవి మాత ఉత్సవ విగ్రహ ఊరేగింపు

దేవరకద్ర నియోజకవర్గం కొత్తకోటలో వాసవి కన్యకా పరమేశ్వరి ఆలయంలో దసరా శరన్నవరాత్రి ఉత్సవాలు ఘనంగా ముగిశాయి. ఉత్సవాల ముగింపులో భాగంగా ఆదివారం పూర్ణాహుతిని నిర్వహించారు. అనంతరం వాసవిమాత ఉత్సవ మూర్తిని బంగారు ఆభరణాలతో అలంకరించి పట్టణ వీధులలో ఊరేగించారు. బాణసంచా పేలుళ్లు, డిస్కో లైటింగ్, రంగు రంగుల విద్యుత్ దీపాల వెలుగులు ప్రత్యేక ఆకర్షణగా నిలిచాయి. అమ్మవారిని దర్శించేందుకు భక్తులతో పట్టణ వీధులు కిటకిటలాడాయి.