రూ. కోటి విరాళం ఇచ్చిన ఏపీ జితేందర్ రెడ్డి

ఇటీవల తెలంగాణలో సంభవించిన వరదలు ఎంతో కలచివేశాయని రాష్ట్ర ప్రభుత్వ ప్రత్యేక అధికార ప్రతినిధి, మహబూబ్ నగర్ మాజీ ఎంపీ ఏపీ జితేందర్ రెడ్డి అన్నారు. ఈ మేరకు ముఖ్యమంత్రి సహాయనిధికి రూ. కోటి విరాళాన్ని అందిస్తున్నట్టు తెలిపారు. శుక్రవారం సీఎం క్యాంపు కార్యాలయంలో సీఎం రేవంత్ రెడ్డిని కలిసి చెక్కును అందజేశారు. సీఎం రేవంత్ రెడ్డి సారథ్యంలో అన్ని సమస్యలు సర్దుకుంటాయన్నారు. మంత్రి పొంగులేటి, తదితరులు పాల్గొన్నారు.