ఏపీకి తరలిస్తున్న మద్యం పట్టివేత

ఎలాంటి అనుమతులు లేకుండా ఏపీకి తరలిస్తున్న మద్యాన్ని బూర్గంపాడు పోలీసులు సోమవారం స్వాధీనం చేసుకున్నారు. పోలీసుల కథనం ప్రకారం ఎస్సై రాజేశ్ సారపాకలో సోమవారం ఉదయం వాహనాల తనిఖీలు చేపట్టారు. ఓ కారును తనిఖీ చేయగా అనుమతులు లేకుండా ఏపీకి తరలిస్తున్న రూ. 96 వేల విలువ చేసే మద్యాన్ని గుర్తించారు. నిందితుడు సునీల్ తో పాటు మద్యం విక్రయించిన వ్యక్తిపైనా కేసు నమోదు చేశారు.