దుమ్ముగూడెం: 26. 8 కిలోల గంజాయి పట్టివేత

దుమ్ముగూడెం మండల పరిధిలోని మహదేవపురం గ్రామ శివారుల్లో పోలీసులు తనిఖీల్లో గంజాయి తరలిస్తున్న ఇద్దరిని ఎస్సై వెంకటప్పయ్య శనివారం అరెస్టు చేశారు. చింతూరు మండలం ఏడుగురాళ్లపల్లి గ్రామానికి చెందిన యనమనగండ్ల భీమయ్య, కోడి రాంబాబు ఒడిశా నుంచి తెలంగాణకు 26. 8 కిలోల గంజాయిని ట్రాలీ ఆటోలో తరలిస్తూ పట్టుబడ్డారు. నిందితులను అరెస్టుచేసి ఆటోతో పాటు, రూ. 6100 నగదు, రెండు చరవాణులు స్వాధీనం చేసుకున్నారు.