భక్తులతో కిటకిటలాడిన కూసుమంచి శివాలయం

కార్తీకమాసం మొదటి సోమవారం సందర్భంగా కూసుమంచిలోని శివాలయం భక్తులతో కిటకిటలాడింది. ఓం నమః శివాయ అనే పంచాక్షరీ మంత్రంతో ఆలయం మారుమ్రోగింది. ఆలయ అర్చకులు శివునికి ప్రత్యేక రుద్రాభిషేకాలు, మహా రుద్రాభిషేకాలు, బిల్వార్చనలు నిర్వహించారు. పంచామృతాలతో స్వామివారికి ప్రత్యేక అభిషేకం చేశారు. భక్తులు అధిక సంఖ్యలో కార్తీక దీపాలు వెలిగించారు. అనంతరం స్వామివారిని దర్శించుకుని ప్రత్యేక పూజలు నిర్వహించారు.