భారత్‌-బంగ్లా రెండో టెస్టు.. స్టేడియం వద్ద భారీ భద్రత

భారత్-బంగ్లాదేశ్‌ మధ్య రెండో టెస్ట్ మ్యాచ్ సెప్టెంబ‌ర్ 27 నుంచి ఉత్తరప్రదేశ్‌లోని కాన్పూర్ వేదిక‌గా ప్రారంభం కానుంది. అయితే, గ్రీన్ పార్క్ స్టేడియంలో జరగనున్న ఈ మ్యాచ్‌కు పోలీసులు భారీ భ‌ద్ర‌త ఏర్పాటు చేశారు. బంగ్లాదేశ్‌లో హిందువులపై జరుగుతున్న అకృత్యాలను నిరసిస్తూ స్టేడియం ముందు అఖిలేష్ భారతీయ హిందూ మహాసభ ఆధ్వ‌ర్యంలో భారీ ర్యాలీ నిర్వహించారు. దీంతో పోలీసులు అప్ర‌మ‌త్త‌మ‌య్యారు. స్టేడియం వద్ద మూడంచెల భ‌ద్ర‌త‌ను ఏర్పాటు చేశారు.