గుడి ముందు మాంసం ముక్కలపై పోలీసుల క్లారిటీ

హైదరాబాద్ మాసబ్ టాంక్ ప్రాంతంలో శనివారం అర్ధరాత్రి గుడి ముందు మాంసం పడి ఉందని పోలీసులకు స్థానికులు సమాచారం అందించారు. ఘటనా స్థలానికి చేరుకున్న పోలీసులు సీసీ కెమెరాలను పరిశీలించారు. ఓ వీధి కుక్క మాంసం ముక్కను నోట్లో పట్టుకొని పడేసి వెళ్లిందని తెలిపారు. ఈ వ్యవహారంపై తప్పుడు కథనాలు ప్రచారం చేయవద్దని ఆదివారం హైదరాబాద్ పోలీసులు విజ్ఞప్తి చేశారు.