బస్ భవన్ లో వాహన ఆయుధ పూజ చేసిన ఎండీ సజ్జనార్

దసరా పర్వదినం సందర్భంగా శుక్రవారం బస్ భవన్ లో సంస్థ ఉన్నతాధికారులతో కలిసి టీజీఎస్ఆర్టీసీ ఎండీ వీసీ సజ్జనార్ అమ్మవారికి పూజలు నిర్వహించారు. సంప్రదాయబద్ధంగా వాహన ఆయుధ పూజ చేశారు. అనంతరం ఆయన మాట్లాడుతూ రాష్ట్ర ప్రజలకు దసరా పర్వదిన శుభాకాంక్షలు తెలిపారు. దసరా పండుగను పురస్కరించుకుని ప్రత్యేక బస్సులను కూడా నడుపుతున్నట్లు వెల్లడించారు. ఆర్టీసీ సర్వీసులను ప్రయాణికులు సద్వినియోగం చేసుకోవాలని సూచించారు.