ఫర్టిలైజర్ షాప్ ముందు రైతుల ధర్నా

కల్తీ విత్తనాలు విక్రయించారని ఫర్టిలైజర్ షాపు ముందు గురువారం రైతులు ఆందోళన చేపట్టారు. తాడూరు మండలం చర్ల ఇటిక్యాల గ్రామరైతులు నాగర్ కర్నూల్ పట్టణానికి చెందిన సంకల్ప ఫర్టిలైజర్ షాపులో వరి విత్తనాలు కొనుగోలు చేశారు. వరి పంట 50 రోజులు దాటిన ఎదుగుదల లేదని, దీంతో నష్టపోయామని ఆవేదన వ్యక్తం చేశారు. కల్తీ విత్తనాలు అమ్ముతున్న షాపు యజమాన్యం పై అధికారులు చర్యలు తీసుకోవాలని డిమాండ్ చేశారు.