కదులుతున్న రైలుపై కాల్పులు

కదులుతున్న రైలుపై కాల్పులు జరిపిన ఘటన ఒడిశాలో చోటుచేసుకుంది. మంగళవారం ఢిల్లీ నుంచి పూరీ వైపు వెళ్తున్న నందన్‌కానన్ ఎక్స్‌ప్రెస్.. బవుసపూర్ జంక్షన్‌కు చేరుతున్న సమయంలో దుండగులు రెండు రౌండ్ల కాల్పులు జరిపారు. దీంతో గార్డు బోగీ కిటికీకి ఓ తూటా తగలడంతో అద్దం పగిలిపోయింది. సమాచారం అందుకున్న ఆర్పీఎఫ్ పోలీసులు ఘటనా స్థలానికి చేరుకుని పరిశీలించారు. కాల్పులు ఎవరు జరిపారు అనే దానిపై దర్యాప్తు చేస్తున్నారు.