రేపు వరంగల్ జిల్లాలో సీఎం రేవంత్ రెడ్డి పర్యటన

సీఎం రేవంత్ రెడ్డి మంగ‌ళ‌వారం వరంగ‌ల్ జిల్లాలో ప‌ర్య‌టించ‌నున్నారు. కాళోజీ కళాక్షేత్రం ప్రారంభోత్సవం, పలు అభివృద్ధి పనులకు శంకుస్థాపనలతో పాటు ఇందిరా మహిళా శక్తి విజయోత్సవ సభలో సీఎం పాల్గొననున్నారు. ముందుగా హైదరాబాద్ నుండి ప్రత్యేక హెలికాప్టర్‌లో మధ్యాహ్నం 2 గంట‌ల 30 నిమిషాల‌కు వ‌రంగ‌ల్ చేరుకుంటారు. ఆ త‌ర్వాత ఆర్ట్స్ కాలేజీ మైదానంలో ఇందిరా మహిళా శక్తి మేళాలోని స్టాల్స్ సందర్శిస్తారు. అనంత‌రం ఇందిరా మ‌హిళా శ‌క్తి విజ‌యోత్స‌వ స‌భ‌లో పాల్గొని ప్ర‌సంగిస్తారు.