దారుణం.. ఎఫ్‌సీఐ గోదాంలో 145 కోతులు మృతి

ఎఫ్‌సీఐ గోదాంలో 145 కోతులు మృతి చెందాయి. ఈ ఘటన యుపీలోని హత్రాస్‌లో ఆలస్యంగా వెలుగుచూసింది. నవంబర్ 9న గోదాంలో నిల్వ చేసిన ఆహార ధాన్యాలకు చీడపీడలు సోకకుండా క్రిమిసంహారకాలు పిచికారీ చేశారు. అక్కడున్న కోతుల గుంపు గోదాం లోనికి వచ్చాయి. క్రిమిసంహారకాల ఘాటు ప్రభావం, వాటిని చల్లిన ఆహార ధాన్యాలను తినడంతో కోతులన్నీ అక్కడికక్కడే చనిపోయాయి. వీటిని గోదాం సమీపంలో పూడ్చిపెట్టారు. విషయం తెలుసుకున్న అధికారులు పోస్టుమార్టం నిర్వహించారు. పోలీసులు కేసు నమోదు చేశారు.