గుడిహత్నూర్: ఆశ్రమ పాఠశాలలో సమస్యలు పరిష్కరించండి

గుడిహత్నూర్ మండలంలోని తోషం ఆశ్రమ పాఠశాలలో నెలకొన్న సమస్యలను పరిష్కరించాలని తెలంగాణ ఆదివాసి గిరిజన సంఘం (టిఏజిఎస్) జిల్లా అధ్యక్షుడు ఊయిక విష్ణు అన్నారు. ఈ విషయమై సోమవారం ఆదిలాబాద్ జిల్లా కలెక్టర్ రాజర్షిషాను కలిసి వినతి పత్రం అందజేశారు. ఆశ్రమ పాఠశాలకు డైనింగ్ హాల్, ప్రహరీ గోడ, మురుగుదొడ్లు, తాగునీటి సమస్యను పరిష్కరించాలని విన్నవించగా, కలెక్టర్ సానుకూలంగా స్పందించినట్లు ఆయన తెలిపారు.