విద్యుత్ అంతరాయంతో ఇబ్బందులు

నెన్నెల మండలం కొత్తూరు గ్రామ ప్రజలు విద్యుత్ అంతరాయంతో ప్రతిరోజు తీవ్ర ఇబ్బందులు పడుతున్నారు. గ్రామంలోని చర్చి వాడలో ఉన్న విద్యుత్ ట్రాన్స్ఫార్మర్ నుంచి నిత్యం విద్యుత్ అంతరాయం ఏర్పడడంతో ఎస్సీ, కురుమ వాడల ప్రజలు నానా అవస్థలు పడుతున్నారు. ఈ సమస్య రాత్రి వేళల్లో ఎక్కువ అవడంతో ఇబ్బందులు పడుతున్నారని గ్రామస్తులు ఆవేదన వ్యక్తం చేస్తున్నారు. అధికారులు స్పందించి చర్యలు తీసుకోవాలని వారు కోరుతున్నారు.