గవర్నర్‌ ఇంటి సమీపంలో గ్రనేడ్‌ కలకలం

మణిపుర్‌ రాజధాని ఇంఫాల్‌లోని ఓ కళాశాల గేట్‌ వద్ద గ్రనేడ్ కలకలం రేగింది. గవర్నర్‌ అధికార నివాసానికి కేవలం 200 మీటర్ల దూరంలో గ్రనేడ్‌ లభ్యమవ్వడంతో సంచలనం సృష్టిస్తోంది. గ్రనేడ్‌తో పాటు శ్రామికవర్గ విద్యార్థుల హక్కులను గౌరవించాలంటూ ఓ నోట్‌ కూడా లభ్యమయినట్లు అధికారులు తెలిపారు. గ్రనేడ్ సమాచారం తెలిసిన వెంటనే అప్రమత్తమైన పోలీసులు, భద్రతా దళాలు గవర్నర్ నివాసానికి మరింత గట్టి పర్యవేక్షణ ఏర్పాటు చేశారు.